Ab milegi rahat!!

Saayad iske baad BAGHBAN jaisi filme na ban sake. Ravi Chopra ko is bill se dukhi hona pad sakta hai kyonki ab ghar ke bade-budhho ko unke bachhe ghar se bahar nahi nikal sakte.

Bahut kam hi logo ka dhyaan is kanoon ki or gaya hoga, lekin yeh kanoon bhartiya samaj ki dasha aur disha badal dega.

Cabinet ek bill pass kiya hai: Maintenance and Welfare of Parents and Senior Citizen’s Bill, 2006. Is bill ke pass hone ke baad jo kanoon bana hai usse hoga ki ab Bete-Betiyan apne mata-pita ko ghar se bahar nahi nikal sakte ya fir unki upeksha nahi kar sakte. Agar bachho par aarop saabit ho jata hai to unpar 3 mahine ki jail ya Rs. 5000 jurmana ya fir dono ho sakta hai.

Hindustan Times ki report is baare mein logo ke rections batati hai jara gaur farmaaye…

Hope ab is ka log koi LOOPHOLE na nikal paye…

I am happy and hoping u too

Indian Television Media: Voracious for TRP

 

 Kya ? aap TRP ka matlab nahi jaante hain. Koi nahi hum bata dete hain. Waise aap kisi bhi indian news channel se iske baare mein puchenge to jyada behtar bata payenge.

Waise TRP kisi bhi program ki pouplarity jaanane ka parameter hai? Times of India ki report bataati hai ki aap kabhi-kabhi ise fix bhi kar sakte hain.

TRP batorne ke liye abhi haal mein hi jo kuch news program bane hain kuch is prkaar hain:

1. Delhi ki sadko mein bina driver ke gadi ka chalna.
2. Agra mein saanp ka bacche ke peeche jana.
3. Unnao ke paas ek khambhe ka jhukha hua deekhna.
4. Matuk nath ka baar baar TV par najar aana.
5. Bhaarat ke naa jane kitne chamtkari babao ka TV par darshan dena.

Mera apna manana hai ki shaam ke 5 baje se lekar 7 baje tak ka slot inhi sab programo ke liye hota hai.

Yeh bhartiya saamaj aur media mein bahas ka vishya bana hua hai. Aakhir Surat mein flood ki khabar important hai ki Matuknath ka pyaar ka drama.

Aaj usi draame ne ek mahila ko Matukanth par case kare ko majboor kar diya. Mahila ka kehna hai ki us ghatna ko dekhkar hi mere husband ne kisi aur mahila se shaadi kar li. Ab ise kya kahe?

Samaaj ko gyaan baatne wale agar khud apni jimedaari nahi samjhenge to kya hoga?

Aakhir kyon?

 

Purani delhi se Attari jane wali Attari special train ko aatankiyon ne nishana banaya. aur hua ki isme 60 se jayada logo ki maut ho gai. Lekin ye HUA KYAON?

 BBC ki report ke anusaar dono desho ke beech chal rahi shanti prakriya ko patri se utaarna hai. lekin International Herald Tribune ko is ghatna ke baad Godhra kaand ki yaad aati hai.